ក្រុមហ៊ុន Apple បានបង្ហាញពីគម្រោង របស់ខ្លួន នៅលើ កាសត្រចៀក ប្រភេទថ្មី ដែលអាចនឹង ផលិតឱ្យ រួចរាល់ និងបញ្ចេញមក ដំណាលគ្នា ជាមួយ iPhone 7 ។ តាមការបញ្ជាក់ ពីក្រុមហ៊ុន វាប្រហែលជា ត្រូវបានផ្តល់សិទ្ធិឱ្យទៅ Beat ដើម្បីផលិតនូវ ប្រភេទកាស មួយនេះ ។ ប៉ុន្តែវាប្រហែល ជាសញ្ញាមួយអាចបញ្ជាក់ផងដែរ ថាទូរស័ព្ទ iPhone ជំនាន់ក្រោយនេះ ប្រហែលជានឹងមានកំណែប្រែច្រើនណាស់ហើយមើលទៅ។

តាមរយៈពាក្យចចាមអារ៉ាម ដែលត្រូវបាន ប្រភពបរទេស បង្ហើបកាលពី មុននោះ គេនិយាយថា ម៉ូឌែល ក្រោយនេះ ប្រហែលជា គ្មានរន្ធកាស ទេដោយសារ ក្រុមហ៊ុន មានបំណង ចង់ឱ្យទូរស័ព្ទ របស់ខ្លួន មួយម៉ូឌែលនេះ មានមុខងារ ការពារការជ្រាបទឹក។ សម្រាប់សមត្ថភាពរបស់កាសឥតខ្សែនេះវិញត្រូវ គេបង្ហើបថា វាមានមុខងារ A noise-cancelling Microphone system ដែលអាចជួយ ឱ្យអ្នកប្រើ ធ្វើការបញ្ជាទៅលើទូរស័ព្ទបាន ព្រមទាំងអាចគ្រប់គ្រងកម្មវិធី Siri បានថែមទៀតផង។ គេជឿថា វាជាប្រភេទកាសគុណភាពខ្ពស់(Premium headphones) ហើយវានឹង ត្រូវបាន ភ្ជាប់មកជា ស្រេចនៅក្នុង ប្រអប់របស់ iPhone 7។

សម្រាប់រន្ធកាសរបស់ iPhone ជំនាន់ក្រោយនេះ កំពុងតែមាន ពត៌មានចម្រូងចម្រាស់ ដែលមានអ្នកខ្លះមិនចង់ឱ្យ ក្រុមហ៊ុនលុបបំបាត់វានោះទេ។ ប៉ុន្តែសម្រាប់ កំណែប្រែមួយនេះ ក្រុមហ៊ុនគួរតែពិចារណាឱ្យបានល្អិតល្អន់សិន ថាតើគួរតែបន្តបំពាក់នូវរន្ធកាសដែរ​​​ឫទេ?

ប្រភព: The Verge , sportkh